دمشق کے زینبیہ علاقے میں چار دھشتگردانہ حملے، 30 افراد شہید

اہل بیت(ع) نیوز ایجنسی۔ابنا۔ چند گھنٹے قبل دمشق کے زینبیہ علاقے کو چار بم دھماکوں نے ہلا کر رکھ دیا۔
شام کے ٹی وی چینل دنیا نے خبر دیتے ہوئے کہا کہ دمشق کے زینبیہ علاقے میں التین روڈ پر پہلے ایک کار بم دھماکہ کیا گیا جس کے بعد تین خود کش حملہ آوروں نے اس روڈ اور الفاطمیہ روڈ پر خود کو بم دھماکوں سے اڑا دیا۔
چشم دید گواہوں کا کہنا ہے کہ ان دھشتگردانہ واقعات میں دسیوں افراد شہید اور زخمی ہوئے ہیں۔
ابتدائی اطلاعات کے مطابق ان دھماکوں میں 30 افراد شہید اور دسیوں زخمی ہوئے ہیں۔
زخمیوں کی حالت تشویشناک ہونے کی وجہ سے شہادتوں میں اضافہ کا خدشہ پایا جاتا ہے۔
اعماق نیوز ایجنسی کا کہنا ہے کہ یہ دھشتگردانہ کاروائیاں داعشی عناصر نے انجام دی ہیں۔
واضح رہے کہ دھشتگرد ٹولے داعش نے تین ہفتہ قبل بھی زینبیہ کے علاقے میں کار بم دھماکہ کیا تھا جس کے باعث دسیوں افراد شہید ہوئے تھے۔
ادھر صوبہ حمص میں بھی آج ایک شیعہ بستی میں ہوئے دو کار بم دھماکوں کی وجہ سے 46 افراد شہید ہوئے ہیں۔